ഗുരുദേവ സ്മരണയിൽ വർണാഭമായ ഘോഷയാത്ര

തലയോലപ്പറമ്പ്: മണകുന്നം 253-ാം നമ്പർ എസ്.എൻ.ഡി.പി ശാഖായോഗത്തിന്റെ ആഭിമുഖ്യത്തിൽ വിജയദശമി-വിദ്യാരംഭവും
ഗുരുദേവ പ്രതിഷ്‌ഠയുടെ 21-ാ മത് പ്രതിഷ്ഠാ വാർഷികാഘോഷവും നടത്തി. മൂന്നു ദിവസങ്ങളിലായി നടന്ന ആഘോഷങ്ങളിൽ
കുട്ടികളുടെ കലാ-കായിക മത്സരങ്ങൾ, ദൈവദശക ആലാപന മത്സരം, മഹാപ്രസാദഊട്ട്, ദേശതാലപ്പൊലി, ഘോഷയാത്ര, സമാപന സമ്മേളനം, നാടകം എന്നിവയായിരുന്നു പ്രധാന പരിപാടികൾ.

എസ്.എൻ.ഡി.പി. ഗ്രൗണ്ടിൽ നിന്നുമാരംഭിച്ച്
പാലാംകടവ് തലയോലപ്പറമ്പ് വഴി ഗുരുമന്ദിരത്തിൽ എത്തിച്ചേർന്ന ഘോഷയാത്ര തലയോലപ്പറമ്പ് എ.എസ്.ഐ. കെ.ജെ ബിജു ഉദ്ഘാടനം ചെയ്തു. വാദ്യമേളങ്ങളും, നിശ്ചല ദൃശ്യങ്ങളുമായി വിവിധ കുടുംബ യൂണിറ്റുകളുടെ നേതൃത്വത്തിൽ ആയിരക്കണക്കിന് ശ്രീനാരായണീയർ ഘോഷയാത്രയിൽ അണിനിരന്നു.

ശാഖ പ്രസിഡൻ്റ് സി.പി. ദാസൻ, സെക്രട്ടറി എസ്. സലിം, വൈസ് പ്രസിഡൻ്റ് എൻ.കെ ശശീന്ദ്രൻ, യൂണിയൻ കമ്മിറ്റിയംഗം രതി ഷാജി, വനിതാ സംഘം ഭാരവാഹികളായ ജയാ സുദർശനൻ, രാഗിണി ദിനി, ഷീജ സാബു, മിനി അനിൽ എന്നിവർ നേതൃത്വം നൽകി.