വൈക്കത്ത് സൗജന്യ മെഗാ മെഡിക്കൽ ക്യാമ്പ് നാളെ

വൈക്കം: 'കരുതൽ 2026 - വി കെയർ ഫോർ വൈക്കം' പദ്ധതിയുടെ ഭാഗമായി തൊട്ടകം എ.ഡി.എച്ച് കെയർ ക്ലിനിക്കിൽ സംഘടിപ്പിക്കുന്ന സൗജന്യ മെഡിക്കൽ ക്യാമ്പ് നാളെ രാവിലെ 8:30 മുതൽ രാത്രി 8:00 വരെ നടക്കും.

​വിവിധ വിഭാഗങ്ങളിലെ വിദഗ്ധരായ ഡോക്ടർമാരുടെ സേവനം ക്യാമ്പിൽ തികച്ചും സൗജന്യമായിരിക്കും. പ്രമേഹം, ബി.പി തുടങ്ങിയ ജീവിതശൈലി രോഗങ്ങൾ, കുട്ടികളിലെ അമിതവണ്ണം, സ്ത്രീകളിലെ ഹോർമോൺ വ്യതിയാനങ്ങൾ, പി.സി.ഒ.എസ് (PCOS/PCOD) തുടങ്ങി വിവിധ ആരോഗ്യ പ്രശ്നങ്ങൾക്ക് ഇവിടെ നിന്നും പരിശോധനയും നിർദ്ദേശങ്ങളും ലഭിക്കും. ജനറൽ മെഡിസിൻ, ശിശുരോഗ വിഭാഗം, ഗൈനക്കോളജി എന്നീ വിഭാഗങ്ങളാണ് ക്യാമ്പിലുണ്ടാവുക.

​ക്യാമ്പിലേക്കുള്ള പ്രവേശനം മുൻകൂട്ടി ബുക്ക് ചെയ്യുന്നവർക്ക് മാത്രമായിരിക്കും. താല്പര്യമുള്ളവർ നേരത്തെ തന്നെ പേര് രജിസ്റ്റർ ചെയ്യേണ്ടതാണ്.

​കൂടുതൽ വിവരങ്ങൾക്കും ബുക്കിങ്ങിനുമായി:

• ​സ്ഥലം: എ.ഡി.എച്ച് കെയർ ക്ലിനിക്, വടക്കേകരിയിൽ അർക്കേഡ്, തൊട്ടകം, വൈക്കം.
• ​ഫോൺ: +91 79070 43460, +91 79070 18286.