പുള്ളി സന്ധ്യ വേല രണ്ടാം ദിനം

വൈക്കം: പുള്ളി സന്ധ്യ വേലയുടെ രണ്ടാം ദിന ചടങ്ങുകൾ ഇന്ന് തുടങ്ങി. വൈക്കം മഹാദേവ ക്ഷേത്രത്തിൽ പുള്ളി സന്ധ്യവേല ശ്രീബലി എഴുന്നള്ളിപ്പ് രാവിലെ നടന്നു. വിശേഷാൽ ചടങ്ങുകൾക്ക് ശേഷമാണ് വൈക്കത്തപ്പന്റെ തങ്കത്തിടമ്പ് പുറത്തേക്ക് എഴുന്നള്ളിച്ചത്. ആചാര പ്രകാരമുള്ള വാദ്യമേളങ്ങളുടെ അകമ്പടിയോടെ ക്ഷേത്രത്തിന് മൂന്ന് പ്രദക്ഷിണം വച്ചാണ് എഴുന്നള്ളിപ്പ് സമാപിച്ചത് രണ്ടാം ദിന സന്ധ്യ വേല ദർശനത്തിന് നിരവധി ഭക്തർ എത്തിയിരുന്നു. മണ്ഡപത്തിൽ വാരമിരിക്കൽ, പ്രാതൽ എന്നിവയും നടന്നു. വൈകിട്ട് വിളക്ക് എഴുന്നള്ളിപ്പ് നടക്കും. 21, 23 തീയതികളിലാണ് ഇനി പുള്ളി സന്ധ്യ വേല ചടങ്ങ് നടക്കുന്നത്.