അക്കരപ്പാടം യു.പി.സ്കൂളിന് പരിസ്ഥിതി അവാർഡ്: പഞ്ചായത്തിന്റെ അഭിനന്ദനം
വൈക്കം: നന്മമരം ഗ്ലോബൽ ഫൗണ്ടേഷൻ സംസ്ഥാന പരിസ്ഥിതി അവാർഡ് നേടിയ വൈക്കം അക്കരപ്പാടം യു.പി സ്കൂളിന് അഭിനന്ദനവുമായി ഉദയനാപുരം പഞ്ചായത്ത്. പി.ടി.എ വാർഷിക പൊതുയോഗത്തിലാണ് പഞ്ചായത്ത് സ്കൂളിൻ്റെ പ്രവർത്തനങ്ങളെ അഭിനന്ദിച്ചത്. ഉദയനാപുരം ഗ്രാമപഞ്ചായത്ത് പ്രസിഡൻ്റ് കെ.ജി രാജു പി.ടി.എ വാർഷികയോഗം ഉദ്ഘാടനo ചെയ്തു. ഗ്രാമപഞ്ചായത്ത് വൈസ് പ്രസിഡൻ്റ് ബിന്ദു അനിൽകുമാർ മുഖ്യപ്രഭാഷണം നടത്തി.
സ്കൂൾ പി.ടി.എ പ്രസിഡൻ്റായി രഞ്ജിത്ത് മല്ലുത്തറ, വൈസ് പ്രസിഡൻ്റായി നീരജ വിപിൻ, എം.പി.ടി.എ പ്രസിഡൻ്റ് ആയി ഷൈമോൾ ഷിൻ്റു എന്നിവരെ തിരഞ്ഞെടുത്തു. യോഗത്തിൽ സ്കൂൾ മാസ്റ്റർ ഇ.ആർ. നടേശൻ, അനുഷ.വി, കവിതാ സുമേഷ്, ലീല ശശിധരൻ, എൻ. ലക്ഷ്മണൻ എന്നിവരും പങ്കെടുത്തു.
Comments ()