വൈക്കം: മരിയന്‍ തീര്‍ത്ഥാടന കേന്ദ്രമായ കുടവെച്ചൂര്‍ പളളിയില്‍ പരിശുദ്ധ കന്യകാമറിയത്തിന്റെ പിറവിത്തിരുനാളും, എട്ടു നോമ്പാചരണവും ശനിയാഴ്ച്ച തുടങ്ങി. തിരുനാളിന്റെ കൊടിയേറ്റ് സെപ്തംബര്‍ 1-ന് വൈകിട്ട് 6.00-ന് ഫരീദാബാദ്-ഡല്‍ഹി രൂപത മെത്രാപ്പോലീത്ത മാര്‍ കുര്യാക്കോസ് ഭരണികുളങ്ങര നടത്തും. വികാരി ഫാ. തോമസ് ചില്ലിക്കല്‍ മുഖ്യകാര്‍മ്മികനാകും. 4.30-ന് സമൂഹബലി നടത്തും. തുടര്‍ന്ന് കൊടിയേറ്റ് ചടങ്ങ് നടക്കും.
പതിനഞ്ച് ദിവസം നീളുന്ന തിരുനാള്‍ ആഘോഷം സെപ്തംബര്‍ 15-ന് എട്ടാമിടം തിരുനാള്‍ ആഘോഷത്തോടെ സമാപിക്കും. സെപ്തംബര്‍ 1 മുതല്‍ 15 വരെ രാവിലേയും വൈകിട്ടുമായി കുര്‍ബാനയും തിരുനാള്‍ ചടങ്ങുകളും നടക്കും. 8-ന് തിരുനാള്‍ ആഘോഷിക്കും. രാവിലെ 10.00-ന് തിരുനാള്‍ പാട്ടുകുര്‍ബാന നടക്കും. ഫാ. വിപിന്‍ കുരിശുതറ മുഖ്യകാര്‍മ്മികനാകും.