വൈക്കത്ത് ഡോ. ജേക്കബ് വടക്കുംചേരിയുടെ പ്രഭാഷണവും സൗജന്യ പരിശോധനയും നടന്നു

വൈക്കം: വൈക്കത്ത് ഡോ. ജേക്കബ് വടക്കുംചേരിയുടെ പ്രഭാഷണം നടന്നു. ഡിസൈൻസ് മീഡിയ ആർട്ട്‌ ഗാലറിയിൽ നടന്ന പ്രഭാഷണ പരിപാടി വൈക്കം ബ്ലോക്ക്‌ പഞ്ചായത്ത്‌ പ്രസിഡന്റ്‌ കെ.കെ ശശികുമാർ ഉദ്ഘാടനം ചെയ്തു.

മരുന്നില്ലാത്ത ജീവിതം ആരോഗ്യ രംഗത്തെ ഏറ്റവും നല്ല ആശയമാണെന്നും പ്രകൃതി ജീവനം എന്നാൽ അത് മാത്രമാണ് ഏറ്റവും നല്ല ചികിത്സാ രീതി എന്ന് ഉറപ്പിക്കാനാകില്ലെന്നും മറ്റു ചികിത്സകൾക്ക് അതിന്റേതായ പ്രസക്തിയുണ്ടെന്നും കെ.കെ. ശശികുമാർ പറഞ്ഞു. സാംസ്‌കാരിക പ്രവർത്തകൻ പി.ജി ഷാജിമോൻ, ദാസപ്പൻ, ഡി. മനോജ്‌, എ. ചാക്കോ എന്നിവരും ചടങ്ങിൽ പ്രസംഗിച്ചു. പ്രഭാഷണത്തിന് ശേഷം ഡോക്ടർ. ജേക്കബ് വടക്കുംചേരി സൗജന്യ പരിശോധനകളും നടത്തി.