വിശേഷാൽ പൊതുയോഗവും റാങ്ക് ജേതാക്കൾക്ക് അനുമോദനവും

വൈക്കം: എസ്.എൻ.ഡി.പി യോഗം വെച്ചൂർ ഇടയാഴം 119ാം നമ്പർ ശാഖയുടെ വിശേഷാൽ പൊതുയോഗം നടന്നു. ഇടയാഴം സഹോദരനയ്യപ്പൻ ജന്മ ശതാബ്ദി സ്മാരക പ്രാർത്ഥനാലയത്തിൽ പ്രസിഡൻ്റ് ടി.ഡി. ശ്രീനിവാസൻ്റെ യിലായിരുന്നു യോഗം നടന്നത്.

യോഗത്തിൽ എം.ജി യൂണിവേഴ്സിറ്റി എം.എസ്.സി സ്റ്റാറ്റിസ്റ്റിക്സ് പരീക്ഷയിൽ രണ്ടാം റാങ്ക് നേടിയ കീറ്റടിത്തറ കെ.വി. കുഞ്ഞുമോൻ്റെ മകൾ കെ.കെ. അലീന, എസ്.എസ്.എൽ.സി, പ്ലസ്ടു പരീക്ഷകളിൽ മികച്ച വിജയം നേടിയ വരേയും ക്യാഷ് അവാർഡ് നൽകി അനുമോദിച്ചു. ചതയദിനാഘോഷവും ഗുരുസമാധി ദിനാചരണവും സമുചിതമായി നടത്താനും യോഗം തീരുമാനിച്ചു.ശാഖായോഗം വൈസ് പ്രസിഡൻ്റ് പ്രദീപൻ കുന്നത്താപ്പള്ളി, ബൈജു മണിമന്ദിരം, രഞ്ജു ചെറിയവട്ടത്തറ, അശോകൻ കുഴിപ്പള്ളി, ഷിബുഷാജി ഭവൻ തുടങ്ങിയവരും യോഗത്തിൽ പ്രസംഗിച്ചു.