കേരള മുഖ്യമന്ത്രി തീരുമാനം ആയില്ല

ന്യൂദൽഹി: ഇന്ന് കോൺഗ്രസ് കേന്ദ്ര നേതൃത്വവുമായി നടത്തിയ ചർച്ചയിലും കേരള മുഖ്യമന്ത്രി തീരുമാനം പ്രഖ്യാപിച്ചില്ല. ഹൈക്കമാൻ്റ് അന്തിമ തീരുമാനം പ്രഖ്യാപിക്കുമെന്ന് കേന്ദ്ര നേതാക്കൾ. കേരളത്തിൽ മൂന്നു നേതാക്കളെ അനുകൂലിച്ചും പ്രതിഷേധിച്ചു നടത്തിയ പ്രവർത്തകരുടെ പ്രകടനങ്ങൾക്കും കേന്ദ്രത്തിൽ നടത്തിയ നേതൃത്വ ചർച്ചകൾക്കും കൂടിയാലോചനകൾക്കും ശേഷം നേതാക്കൾ പുറത്തുവന്നു. കേരളത്തിൻ്റെ മുഖ്യമന്ത്രിയെ നിശ്ചയിക്കാൻ മല്ലികാർജുൻ ഖാർഖെയുടെ വസതിയിൽ നടത്തിയ ചർച്ച പൂർണമായ ശേഷമാണ് കേരള നേതാക്കൾ കേന്ദ്ര നേതാക്കൾക്കൊപ്പം സംയുക്തമായി മാധ്യമങ്ങളെ കണ്ടത്. കേരളത്തിലെ പ്രകടനങ്ങളും പ്രതിഷേധങ്ങളും നിർത്തണമെന്നും കേന്ദ്രനേതൃത്വവും സംസ്ഥാന നേതാക്കളും അറിയിച്ചു. നേതാക്കളെ അനുകൂലിച്ച് വച്ചിരിക്കുന്ന ഫ്ലക്സുകളും ബോർഡുകളും ഉടനെ മാറ്റണമെന്നും നേതാക്കളുടെ സംയുക്തനിർദ്ദേശം.