ലോകകപ്പ് ഫുട്ബോൾ: വാഴക്കടവുകാര്‍ക്ക് ആവേശം കടലോളം
വൈക്കം: ലോകകപ്പ് ഫുട്ബോളിന്റെ വേദി ഉണരും മുന്‍പെ ആവേശാരവത്തോടെ മുനിസിപ്പാലിറ്റി പതിനാറാം വാർഡിലെ വാഴക്കടവ് ഭാഗത്തെ ഗ്രാമീണര്‍ കൂറ്റന്‍ ഫ്‌ളക്‌സ് സ്ഥാപിച്ച് അതിനുമുന്‍പില്‍ അണിനിരന്ന് മത്സരത്തിന്റെ വീറും വാശിയും നെഞ്ചിലേറ്റി ആര്‍പ്പുവിളികള്‍ നടത്തി. പൂത്തിരിയും പടക്കങ്ങളും ആവേശത്തിന് മാറ്റുകൂട്ടി. വാഴക്കടവ് ഭാഗത്തെ ദര്‍ശന ഗ്രൂപ്പില്‍പ്പെട്ട കുടുംബങ്ങളിലെ കൊച്ചുകുട്ടികള്‍ മുതല്‍ പ്രായമായവർ വരെ ദര്‍ശന ഗ്രൂപ്പിലെ അംഗങ്ങളാണ്. 'അര്‍ജന്റീന ഫാന്‍സ് വാഴക്കടവ്'. മെസിയുടേയും അര്‍ജന്റീന ടീമിന്റേയും ആരാധകരായ ഇവര്‍ വലിയ ഫ്ലക്സ് ഉയര്‍ത്തി ഫുട്ബോൾ ലോകകപ്പിന് അഭിവാദ്യം അര്‍പ്പിക്കുക എന്നത് ഈ ടീമിന്റെ ആഗ്രഹമായിരുന്നു. കുട്ടികള്‍ മുതല്‍ മുതിര്‍ന്നവര്‍ ചേര്‍ന്നാണ് 20 അടി ഉയരമുള്ള ഫ്ലക്സ് സ്ഥാപിച്ചത്. മധുരപലഹാരങ്ങള്‍ പങ്കുവെച്ചും, പടക്കം പൊട്ടിച്ചും, ആവേശം പങ്കുവെച്ചു. ആര്‍ജന്റീന ഇത്തവണയും കപ്പ് ഉയര്‍ത്തണം എന്നതാണ് ഇവരുടെ ആഗ്രഹം.
Comments ()