വൈക്കം:എസ്.എൻ.ഡി.പി യോഗം കെ. ആർ. നാരായണൻ സ്മാരക തലയോലപ്പറമ്പ് യൂണിയൻ സെക്രട്ടറി എന്ന നിലയിലുള്ള  ഉത്തരവാദിത്വങ്ങൾക്കൊപ്പം എൻ.സി.പി സംസ്ഥാന സെക്രട്ടറിയുടെ ചുമതല നിറവേറ്റുക പ്രയാസകരമായതിനാൽ എൻ.സി.പി(എസ്) സംസ്ഥാന സെക്രട്ടറി സ്ഥാനവും പാർട്ടിയുടെ പ്രാഥമിക അംഗത്വവും രാജിവെക്കുകയാണെന്ന് എസ്.ഡി. സുരേഷ് ബാബു അറിയിച്ചു. എൻ.സി.പി സംസ്ഥാന ഭാരവാഹിയും ദേശീയ കൗൺസിൽ അംഗവുമായിരുന്ന ഈ കാലയളവിൽ ഒപ്പം ചേർന്ന് പ്രവർത്തിച്ചവരേയും എല്ലാ സഹായ സഹകരണങ്ങളും നൽകിയവരേയും നന്ദിയോടെ സ്മരിക്കുന്നതായും ആശയപരമായ നിലപാടുകളുടെ ഭാഗമായി തുടർന്നും ഇടതുപക്ഷ ജനാധിപത്യ മുന്നണിയുടെ സഹയാത്രികനായി തുടരുമെന്നും എസ്.ഡി. സുരേഷ് ബാബു അറിയിച്ചു.