വൈക്കം: വേണ്ട ലഹരി വേണം ഭാവി എന്ന മുദ്രാവാക്യമുയർത്തി ഡി.വൈ.എഫ്.ഐ. വൈക്കം ടൗൺ സൗത്ത് മേഖലാ കമ്മിറ്റിയുടെ നേതൃത്വത്തിൽ വൈക്കം നഗരത്തിൽ മനുഷ്യച്ചങ്ങല സംഘടിപ്പിച്ചു. യുവതി യുവാക്കളും ബഹുജനങ്ങളുമടക്കം മനുഷ്യച്ചങ്ങലയിൽ അണിനിരന്നു. വൈക്കം ബോട്ടുജെട്ടിയിൽ നിന്നും ആരംഭിച്ച മനുഷ്യച്ചങ്ങല പടിഞ്ഞാറെനട കഴിഞ്ഞും നീണ്ടു. മനുഷ്യ ചങ്ങലയിൽ ആദ്യകണ്ണി ചേർന്ന് സംസ്ഥാന യുവജന കമീഷൻ ചെയർമാൻ എം ഷാജർ ചങ്ങല ഉദ്ഘാടനം ചെയ്തു. ഡി.വൈ.എഫ്.ഐ. വൈക്കം ടൗൺ സൗത്ത് മേഖലാ സെക്രട്ടറി എച്ച്.ഐ. റോഹൻ പ്രതിജ്ഞാ വാചകം ചൊല്ലിക്കൊടുത്തു. ബോട്ട് ജെട്ടിയിൽ നടന്ന പൊതുസമ്മേളനം എം. ഷാജർ ഉദ്ഘാടനം ചെയ്തു. പൊതുസമ്മേളനത്തിൽ ഡി.വൈ.എഫ്.ഐ. വൈക്കം ടൗൺ സൗത്ത് മേഖലാ പ്രസിഡന്റ് ആരോമൽ തമ്പി അധ്യക്ഷത വഹിച്ചു. സി.പി.എം. വൈക്കം ഏരിയ സെക്രട്ടറി പി. ശശിധരൻ, ഏരിയ കമ്മിറ്റി അംഗങ്ങളായ എം. സുജിൻ, പി. ഹരിദാസ്, വൈക്കം ടൗൺ സൗത്ത് ലോക്കൽ സെക്രട്ടറി പി.സി. അനിൽകുമാർ, ലോക്കൽ കമ്മിറ്റി അംഗം അംബരീഷ് ജി. വാസു, ഡി.വൈ.എഫ്.ഐ. വൈക്കം ബ്ലോക്ക് സെക്രട്ടറി ആനന്ദ് ബാബു, ബ്ലോക്ക് പ്രസിഡന്റ് ബ്രിജിൻ പ്രകാശ്, ടൗൺ സൗത്ത് മേഖലാ ട്രഷറർ ഹരിക്കുട്ടൻ, മേഖലാ സെക്രട്ടറി എച്ച് ഐ. റോഹൻ, ജോയിന്റ് സെക്രട്ടറി  അനഘ അജികുമാർ എന്നിവർ പ്രസംഗിച്ചു.