കോട്ടയം: വനം വന്യജീവി വകുപ്പ് പെരിയാർ ടൈഗർ റിസർവ് അഴുത റേഞ്ചിലെ കവണാറ്റിൻകര ഫോറസ്റ്റ് സ്റ്റേഷൻ്റെ ആഭിമുഖ്യത്തിൽ കുമരകം ഗവണ്മെന്റ് വൊക്കേഷണൽ ഹയർ സെക്കന്ററി സ്കൂൾ വിദ്യാർത്ഥികൾക്കായി ഏകദിന പരിസ്ഥിതി പഠന ക്യാമ്പ് സംഘടിപ്പിച്ചു. കുമരകം പ്രാദേശിക കാർഷിക ഗവേഷണ കേന്ദ്രത്തിൽ നടന്ന ക്യാമ്പ് അഴുത റേഞ്ച് ഫോറസ്റ്റ് ഓഫീസർ ഡി. ബെന്നി ഉദ്ഘാടനം ചെയ്തു.

പെരിയാർ ടൈഗർ കൺസർവേഷൻ ഫൗണ്ടേഷൻ അസിസ്റ്റൻ്റ് നേച്ചർ എജുക്കേഷൻ ഓഫീസർ സി.ജി. സുനിൽ  ജൈവ വൈവിധ്യത്തെക്കുറിച്ച്  ക്ലാസ് എടുത്തു. ഏകദിന പരിസ്ഥിതി പഠന  ക്യാമ്പിന്റെ ഭാഗമായി കെ.വി.കെ യിലെ അഗ്രികൾച്ചർ ബയോഡൈവേഴ്സിറ്റി പാർക്ക് സന്ദർശിക്കുകയും ചെയ്തു. ഡെപ്യൂട്ടി റേഞ്ച് ഫോറസ്റ്റ് ഓഫീസർ ഹരികുമാരൻ നായർ, ബീറ്റ് ഫോറസ്റ്റ് ഓഫീസർ രജിത,രമേശൻ, ശ്രീജിത്ത്‌ സ്കൂളിലെ അധ്യാപകരായ വിജയകുമാർ, അഞ്ജലി എന്നിവർ പരിപാടികൾക്ക് നേതൃത്വം നൽകി. ക്യാമ്പിൽ പങ്കെടുത്ത വിദ്യാർത്ഥികൾക്ക് വനംവകുപ്പിന്റെ സർട്ടിഫിക്കറ്റും വിതരണം നടത്തി.